Константин Симонов. Жди меня

Сакъла мени

Сен сакъла, къайтырма мен,
Тилейме, алай сакъла:
Сакъла, мудах этселе
Сары чапракъ жауунла;
Сакъла, къар бурдум этсе,
Кюн къысханда да сакъла,
Сакъла, эсден кетселе
Бары къайтмай къалгъанла,
Узакъ жерледен къагъыт
Келмей къалгъан эсе да,
Хар ким, сакълаудан арып,
Шо тюнгюлген эсе да.

Сен сакъла, къайтырма мен.
Тежеме игиликни
Ол "унут" дегенлеге,
Умутсуз этип сени.
Ана, жаш да ийнансын
Мени жокъ болгъаныма,
Хар тенгим да арысын
Асыры сакълагъандан.
Ала, чагъырдан тартып,
Мени эскерселе да,
Сакъла. Ичме, ашыгъып,
Аякъны берселе да.

Сен сакъла, къайтырма мен
Бар ёлюмге ачыугъа.
"Насыплы эди",- дерле
Мени сакъламагъанла.
Ала ангыламазла
Ичинден бар отланы
Сакълай билгенинг бла
Мени къутхаргъанынгы.
Экибиз билип жалан
Къалай сау къалгъанымы:
Алай уллуду, баям,
Кючю сакълагъанынгы.
    Перевела Аминат Рахаева
      
        ***
Жди меня, и я вернусь,
Только очень жди.
Жди, когда наводят грусть
Жёлтые дожди.
Жди, когда метёт пурга,
Жди, когда жара,
Жди, когда других не ждут,
Позабыа вчера.
Жди, когда из дальних мест
Писем не придёт,
Жди, когда уж надоест
Всем, кто вместе ждёт.

Жди меня, и я вернусь,
Не желай добра
Тем, кто знает наизусть,
Что забыть пора.
Пусть поверят сын и мать
В то, что нет меня,
Пусть друзья устанут ждать,
Сядут у огня,
Выпьют горькое вино
На помин души,
Жди. И с ним заодно
Выпить не спеши.

Жди меня, и я вернусь
Всем смертям назло.
Кто не ждал меня, тот пусть
Скажет: "Повезло".
Не понять неждавшим им,
Как среди огня
Ожиданием своим
Ты спасла меня.
Как я выжил, будем знать
Только мы с тобой:
Просто ты умела ждать,
Как никто другой.