амех1ан ирк1ариъ: дадарин ватан,
амех1ан ли вакас: иркъ уга инсан.
ватан акун хараб: дуйиъ дикуне,
валас хуна вархал: иркъ хараб х1уне.
амех1ан сувариъ: ибьг1я кюке раг,
амех1ан х1юрариъ: г1ак ак1а чираг.
гурбати айчира: вакаси фикир,
кум ат1ун ватанин: пуч х1асган ахир.
вун иркуран гам э,зе ватан Агул,
ахиратин хал э: зе ватан Агул.
амех1ан сувариъ: х1еш аку булах,
амех1ан х1юрариъ: дадарин к1арах
угая угая: вакас угая,
чарайик шу ирк1ар: вакас угая.
угая угая: вакас угая,
чарайик шу ирк1ар: вакас угая.
Иркъ угая
© Copyright: Гасан Раджабов, 2018
Свидетельство о публикации №118020904483
Свидетельство о публикации №118020904483
Рецензии
