Цуькед кlунчl...ресторан...куьче...йиф-секин,
Цlийи къванавай марф...асфальт,цин лекьвер.
Кlвализ геж жезва вун...гагь ийиз йигин,
Гагьни явашиз кам...зак куткузва хъвер.
Цавун къав са лацу,михьи я кьетlен,
Цифер гужумнава,авахьна чилиз.
Гуда ваз лугьузни,къалуриз гъетер
Ава зун-амма сад къвезвач зи гъилиз.
Умудар,хиялар...жезни авачиз-
Эвериз я,ингье,ахъайна лувар.
Авайтlа...кикlидай чка зи кlвачиз,
Юзурдай за дибдай лап и Чилин шар.
Ви ашкъ я гузвайди заз и гуж,къуват,
Амма вун гъавурда авач гьич адан.
Акваз,ви фикирар чкlанвай къамат,
Амазва чин тийиз зун,вуч хъийитlа.
Вуч я ви рикlевай гьиссерин тlурфан-
Квекай кичlе я ваз,заз вуна лагьтlун.
Мегер вун инал за кьуна хуьз тир кьван-
Архайин туширтlа,вазни кlан я зун?
08.02.18 г.
***
© Copyright: Намик Фарзалиев, 2018
Свидетельство о публикации №118020804518
Свидетельство о публикации №118020804518
Рецензии