***

Сегодняшние дети прекрасны
Азиз Несин

Кьве варзни зур кими яз,
Кlуьд йис хьанва Камилан.
Аял туш-са женжел я,
Ам тежер кьван дежел я.
Гьизвайди туш лагьай гаф,
Терс аял я ам гзаф.
Галай тахсир кьач хиве,
Таб я рахар гаф сиве.
Чlуру кардин,вичи кьур,
Ам-вичелай гъвечlибур
Батlулариз алахъдай,
Вердиш хьанва,кlвалахдал.
Ийизва усал кlвалах-
Батlул жезва Абдулагь.
Кьазва мад са пис амал-
Тахсиркарди я Камал.
"Ни авуна бес и кар?"
"Ингье,батlул я Жабар".
Дустар адахъ парава-
Кlанда кьван жез тапарар.
И себебдай фад-фад ам,
Вахт вахтундал жез тамам,
Чи хци,цицlи гада-
Дидед кlарцlив гатада.
Вучда,мадни ар жедач,
Гатунрикай кар жедач.
...Де ша туьмбуьгь жедай кьван-
Табни куьтягь жедай кьван...
Са рикlелни текъведай,
Дуьшуьш хьана,хъуьредай.
Нисин хьанвай береда,
Эхвер гана дидеди.
Лугьуз:фу неъ жуванни,
Хкlватl хьанвай хзанни.
Диде,баде,чlехи вах,
Чlехи буба,садни дах.
Чин-гъил чуьхуьн тавуна
Физ,хуьрекдин къапунал-
Акуна ам дидедиз,
Ахмурарна веледдиз:
Вучиз мадни чуьхенвач-
Кьарадава ви гъил-кlвач?
Камил вичиз килигна-
Гъилиз-кlвачиз килигна:
Кьацlанавай гъилер лап,
Тваз тир кьарад гелер лап.
Ам дидедиз килигна,
Ам бубадиз килигна...
Чlехи буба "машгъул тир",
Баде "рахаз кагьул тир"...
Кьатlана хьи,инал мад-
Кьадайд алач адан пад.
Чир хьанач вуч хъийида,
Батlул мад гьим ийида.
Гаф жагъуртур Камила:
(Гаф жагъанач Камилав)
"Мажал ганач Жемила..."
Вири адан жавабдай,
Кегькир хьана амазмай...
Тек са Жемил хъуьрезвай,
Верцlи-верцlи...ахварай.
Ксуз тир ам къетненлай,
Бадед патав-кьепlинал.


13.01.18 г.