Х1ерлира
Кьяцаланг урчиличив
Г1яндан варгьи чехъили,
Хунжазир гьунгелтачил
Бук1ун дудеш х1якьянал.
Гумайлав ихтилатчи,
Сях1батличив т1ашкьяна,
Дурзамличил, х1енкьличил
Халал узи х1якьянал.
Бишт1али уббатурти
Дурх1нала мукърачи г1ур
Х1якьянал, ках1ейрарал
Вишт1аси узи Халит.
Къабачала дулгъалар
Чакурти дихул рухъна
Бурес сих1рула хабар
Гъурша барх1ехъ х1якьянал.
Х1ерлира хъубзурани
Хъуми гьели дег1айчи,
Лавшардик1ути арши
Ургубалар дикьайчи.
Кариилра ну х1ерли
Х1ебла шала дикайчи,
Дубуртази сагали
Шадти г1ямру дак1айчи.
В селе
© Copyright: Хадижат Омарова, 2018
Свидетельство о публикации №118020109586
Свидетельство о публикации №118020109586
Рецензии