Х1екьли сагъти аргъайзир
Сарурк1ути пикрумас
Руцаслира ну ясир,
Кьяшум х1едиршни балас.
***
Дагьарти дагьрилизиб
Ца суал лукьар бахъна,
Авк1ап1или ак1нилис
Нурав бек1си багьана?
***
Гъуграла кьиц1миц1уна
Закла дарай буцили,
Ишх1елла х1явбуц1уна
Ягълавлаб халкь буц1ули.
***
Излума гъяжлизир
Рубк1аслира гъазали,
Даргала авидлизир
Гьигьрик1ус ну гьарзали.
***
Х1ела малх1ямси х1ерлис
Лугьира г1як1алис унц,
Дурхъати цадех1 гъайлис
Лугира дунъя барсур.
***
Гъагулти дарили къуж,
Пух1-пух1аили ц1ябдеш,
Берх1ила х1ула-къяжа
Х1уни хибси разидеш.
***
Г1яршла берх1и, мабумсуд
Мургьи рангли чахьбик1ес,
Г1яламла урк1урбазир
Дигила нур ухахъес.
Авал тугъла
© Copyright: Хадижат Омарова, 2018
Свидетельство о публикации №118012913062
Свидетельство о публикации №118012913062
Рецензии
