Къужахдавай чун багъларин, суьгьбетиз,
Вучиз, азиз, лагьанай заз, гуьзетмир?
ВУн багьа кьаз, зун авай ваз гьуьрметиз,
Вучиз, азиз, лагьанай заз, гуьзетмир?
Кьил къакъудмир за вугай суалдикай,
Минет я ваз, хабар хьухь зи гьалдикай,
Ашкъиди куз, рикlевай хиялдикай,
Вучиз, азиз, лагьанай заз, гуьзетмир?
Агь, гуьзелди, маралдиз ухшар авай,
Такабурдиз гьар сана кьадар ава!
Са суалдиз жавабар санбар ава,
Вучиз, азиз, лагьанай заз, гуьзетмир?
Килигзавайла ви суьрет-шикилдиз,
Зун акунай шукур хьайдаз сефилдиз.
Фикир це на, са к1ус кьванни мейилдиз,
Вучиз, азиз, лагьанай заз, гуьзетмир?
Ви буй-бухахдин авайди тариф я,
Вун хуш хьайи, зи гуьгьуьлар зайиф я.
Муьгьуьбатни жаваб тахьай гьайиф я,
Вучиз, азиз, лугьузва заз гуьзетмир?
Гуьзетмир
© Copyright: Магомед Мирзоев Мирзой, 2018
Свидетельство о публикации №118012808860
Свидетельство о публикации №118012808860
Рецензии