Лезет къачуз уьзуьм авай багъларай,
Уьзуьмри дад такурла заз гьайиф я.
Етим хьана кьурана и мукьвара
Багъ акурлай, сефил я заз, гьайиф я.
Цуьквер кьула гуьзелдиз ухшар авай,
Кагьраба хьиз, мержандин къашар авай
Къизилдин цуьк кьурана са тlвар амай,
Килигиз, за чlугвазвай агь: гьайиф яз.
Билбиларин манийрал зун гьейран я,
Атирар гвай цуьквериз ам масан я.
Сес амачир багъларани залан я,
Перишан я. Тlебиатни гьайиф я.
Ухшар авай джейрандиз зи гуьзел яр,
Ви акунриз тахьурай гьич бедназар.
Вун ашкъиди хуьрай, тагуз рикlиз тlар,
Ви пlузаррал хъвер тахьайтlа, гьайиф я.
Гьайиф я
© Copyright: Магомед Мирзоев Мирзой, 2018
Свидетельство о публикации №118012412623
Свидетельство о публикации №118012412623
Рецензии