Мад са мичlи йифен бере,
Рехъ физваз,вил акьуна-
Заз векьерай гъвечlи ишигъ,
Рапlрапlиз,куз акуна.
Чир хъхьана гьа сят заз-
Ам зи дуст нур-пепе тир.
Мад зи рикlе гьатнавайди,
Аял чlаван лепе тир...
Маяк тир хьиз жедай ам заз-
Зи хиялдин цlирериз.
Рехъ къалурда белки лугьуз,
Рикlевай пак сирериз.
Са умуд кваз фидай патав,
Гьатна адан геле зун.
Гьар сеферни тикрар жедай-
Хкахьдай ам гъиле зи.
Къайи жедай тахай шеъ хьиз,
Чим гудачир капуниз.
Хкадардай векьерал за-
Пашман хьана къачуниз.
...Гилани зун фена гьаман,
Рикl умудрив ацlурна:
Гъиле гьакl са гьашарат тир-
Ада зун мад "алцурна"...
Нур-пепе,мад алцурарда,
Лагь,вуна зун шумудра?
Вун,зи кьилиз акъат тийир,
Хев кумачир умуд ян?!
*нур-пепе...ина "светлячок" я
Нур-пепе
© Copyright: Намик Фарзалиев, 2018
Свидетельство о публикации №118012004873
Свидетельство о публикации №118012004873
Рецензии