Савгъатласакъ тиштайпагъа чечеклер,
Утангъандай эки энги къызара.
Ай ярыкъдай азиз жангъа гечелер,
Нюр себелей къатынгиши иржайгъан.
Сююв гьакъда шыбышлагъыз яшырмай,
Оьтгереген юхусуз гечелени.
Сююв макъам сатырлардай язылгъан,
Тюрлендире яшавун нечелени.
Табиатны гёзеллиги яралгъан,
Чеберли кюй сатырлагъа ярашгъан.
Назик къолун тиштайпаны аявла,
Ёлунг сайлап энни сагъа узатгъан.
Яшнатагъан яйдай терекни бюрюн,
Савлай уьйню шавлалай даим нюрю.
Нарыстаны биринчи абатлары,
Гёз ярыгъы, насиби аналаны.
Сююв макъам
© Copyright: Адилгерей Минатуллаев, 2018
Свидетельство о публикации №118011607187
Свидетельство о публикации №118011607187
Рецензии