Бу гёрюнюш ток ургъандай саныма,
Гьалым битген айтма сююв сёзлерим.
Уртласам да - етмей гьава жаныма,
Сигьру йимик къаратгъанда гёзлеринг.
Урлап аста гёзлеринге къарадым,
Гьалек юрек, тек оьзюмню жыяман.
"Нечиксен?" - деп жавап гёзлей сорадым,
Эсим жыйып астаракъ иржайгъан да.
Къыжыллайгъан гьашыкъ сесни наслусу,
Гьарсинчекдей чайкъалагъан аслусу.
Къанма етмей шо гёрюнюш леззетли,
Пашман юрек, къуршап сююв эсделик.
Эки къувдай оьрге бирче учагъан,
Тангламайлын учурумну ягъасын.
Эки юрек сыйышмай бир къучакъгъа,
Янгызлыкъны къабул этген къавгъасын.
Гёрюнюш
© Copyright: Адилгерей Минатуллаев, 2018
Свидетельство о публикации №118011512345
Свидетельство о публикации №118011512345
Рецензии