***
Ёмюрлюк тюйюлбюз биз,
Заман жетди кетерге.
Кечигиз, адамла, сиз,
Ашыкъдым мен ёлюрге...
Ёлюр заманым жетсе,
Азраил жанымы алыр.
Кетер заманым келсе,
Ариу сёзюм мында къалыр.
Къарындашла тилейме,
Жаназымы этигиз.
Дуниядан кетеме,
Асыраргъа келигиз!
Тар къабыргъа салырсыз,
Къыбылагъа да буруп.
Мени къоюп кетерсиз,
Дуалада тутдуруп.
Мункир бла Накир келип,
Соруулада берирле.
Жууап берсем а кечип,
Къыйнамайын иерле.
Гюняхлы болса жаным,
Къабыр азабындама.
Къысылыр мени саным,
Къычырып мен жилярма.
Я Раббийим кеч мени,
Терс ишлерим ючюн, кеч.
Акъылсыз сёзлерими,
Халал жюрегими, кеч...
Эртте болур алыкъа,
Насийхатла айтыргъа.
Сормай келеди ёлюм,
Жокъду заман сакъларгъа.
Бейтугъанланы Исмаил.
2017 ж.
***
© Copyright: Исмаил Бейтуганов, 2018
Свидетельство о публикации №118011511821
Свидетельство о публикации №118011511821
Рецензии