Кура борал долаш йоаг1а,
Къор мо 1аьржа кадай говра,
Доага цуна б1аргаш сийна алац,
Д1айха дог цун детталу ч1оаг1а.
Боккхийча наха дийца латта,
Говра баьре дика хилач,
Хуг я йорг1а, мекъача говрах,
Шод цу кьаьдач кулгаг1 хийцач.
Къонахчоа нийсса т1ема дохьала,
Лаьтта новкъост говра я,
Т1аьнашт1 отташ, ший нидз хьокхаш,
1алам из цецца доахаш я.
Й1аьха мос ший даьре санна,
Михац ловзаю, корт лестбеш,
Сонта яли, тоха лаьтта ког а,
Лоамашта хьалхашка курал еш.
Т1аьда буц хоза къувса санна,
Деррига лаьтта лаьца улл,
Ц1ена фо да дег1 сомадоакхаш,
Лакха лоамт1ара лоа б1аргу.
Хоз ди дена г1ад а яле,
Тувсалуш, удаш, корзаг1 йоал,
Бер мо хьестлуш, зизашца ловзаш,
Ара цунна самукъа доала.
Говра
© Copyright: Эльмира Чемурзиева, 2018
Свидетельство о публикации №118010605351
Свидетельство о публикации №118010605351
Рецензии