Дили ялгъузвили дакIар гатазва,
Хиялрин алемда зун вав рахазва…
Зак тек ви гьиссери лувар кутазва,
Шехьмир, а вилерин накъвариз кьий зун.
За хатур хайила, яргъал жеда вун,
Хуш я тахсирдилай вуна гъил къачун.
Санал и азабдик акатнава чун,-
Шехьмир, а вилерин накъвариз кьий зун.
Вучар лугьузавач заз ви чарари …
Цуьквер шуьткьуьрнач хьи зулун харари.
Яб це, лугьузва чаз мани гарари,
Шехьмир, а вилерин накъвариз кьий зун.
И гъамар акуртIа, къван къведай чIалал-
Уьмуьр, хиял хьана, физва чун патал,
Мадни пашман жеда, вун акваз Билал,
Шехьмир, а вилерин накъвариз кьий зун…
Шехьмир...
© Copyright: Билал Адилов, 2017
Свидетельство о публикации №117122507767
Свидетельство о публикации №117122507767
Рецензии
