I
Кесинге бир бек сюйдюрдюнг,
Сюймеклик отда кюйдюрдюнг.
Узакъ болдунг, тынгылайса.
Кюйгеними ангылайса.
Эжиу
Ийнаннганем сюйгенинге,
Насыплы этеригинге.
Мен сюйгенлей а болмады,
Ариу умутум толмады.
Жюрегиме байланнганса,
Сен башханы сайлагъанса,
Къыйналама, къыйналама,
Ийнанмайма… ийнанама.
II
Сынай келеди жазыуум,
Къалмагъанды бир къарыуум.
Сени кёрмей туралмайма,
Жолуму уа буралмайма.
III
Керек тюйюл эсе сёзюм,
Излейди нек сени кёзюм?
Жюрегиме не этейим?
Къайры къачайым, кетейим?
Бейтугъанланы Исмаил
Сюймеклик жыр
© Copyright: Исмаил Бейтуганов, 2017
Свидетельство о публикации №117122506622
Свидетельство о публикации №117122506622
Рецензии