Тоалуш йоаг1а са Г1алг1айче,
Маьрша даьнна да адам,
Тоам хул са дегаь хьо яйча,
Машаре вай дайча къам.
Г1ала керттера вай мехка -
Магас, аланой хьо дог,
Дийнаеннай хувцаелча
Зама, лоалахой хьох хьог.
Турпал Къаман Дала енна,
Белгала тха г1ала хьо,
Къегийла хьо х1ара денна,
Тоаеш латт хьо къонахчо.
Керда г1ишлош, Барта - Г1ала,
Хувцамаш да дукха гуш,
Аланой тха дег чу ала,
Ма ба боагаш, денал луш.
Г1алг1ай къаман яхь а, сийле,
Я са хьамсара г1ала хьо,
Дуненах ц1и хеза тхьовре,
Екаргья мел яха хьо.
Хьаьшашка ший моаршал телаш,
Ширача кепах хьалаяь,
Аланой шахьара-наь1араш,
Я, цар г1ала къоагаяьй.
Ахмад Шадиев (23.12.2015)
Магас - ГIала
© Copyright: Ахмад Шадиев, 2017
Свидетельство о публикации №117122108345
Свидетельство о публикации №117122108345
Рецензии
