Сох ма хургда хьона юхе дежа г1а,
Гурахь кхаьча дошо йола ха,
Набарах а мерза дайна г1а,
Юхь т1а бежа т1адам сиглара.
Лаьча хинна лакхе кхестаргва,
Воча х1амаех хьо лораергья,
Сай ираз хьона дала кийча ва,
Зиза теха къаьга йола га.
Сох ма хургда тайжа доаг1а лоа,
Г1оро къиз ца даьккха дола 1а,
Хьа духьа халонаш тахан ла,
Ва со кийча, къилбаседкъа са.
Шовлакх хинна мосех хьарчаргвар,
Хьоца вахар аз сай декъаргдар,
К1орда ца деш юхьаг хьежаргвар,
Елаелча хета делаш санна бер.
Сох ма хургба хьо лорае ткъам,
Иразах биза хьона ц1ена 1ам,
Зуламаех гаьна йоаха лоам,
Хьо ба гаьна т1ара мерза сом.
Ахмад Шадиев (12.12.2015)
Хьона
© Copyright: Ахмад Шадиев, 2017
Свидетельство о публикации №117122108276
Свидетельство о публикации №117122108276
Рецензии