Садлагьай жив

Садлагьай жив,садлагьай жив,
Дамах гала,фурс гва вичив.
Лацу,куьлуь гъетер хьтин,
Авахьиз навбагьар,хъуьтlуьн,
Лув гузава цlверекl-цlверекl,
Аламат я-акван герек!

Садлагьай жив,садлагьай жив,
Са тешвиш ква тlебиатдив.
Са кьиликай кьаз камуна,
Лацу кlуртун тваз хамуна,
Багъмишзава живед-рукар,
Ахквазамач сувун кукlар.

Садлагьай жив,садлагьай жив,
Яхъ пилтеяр,ахъайна сив!
Памбаг хьтин михьи,лацу,
Яваш-яваш ийиз яцlу-
Яргъан цуз я чилиз,хъуьтуьл,
Герекни туш адаз уьтуь.
Садлагьай жив,садлагьай жив,

(Атанвачтlан гьеле мад хиб)
Вацlар жезва муркарин кlвал,
(Вацlар аман-са гуьтlуь хвал)
Гуз муркариз къилав,цери,
Физ-физ жез я лапни кьери.
Кlватl жезава винел хшлав,
Агагъариз вацlун жилав.

Садлагьай жив,садлагьай жив,
Лацу пурар алай са шив
Эвичlиз я,цавун кlарар-
Вегьиз чилиз вичин пурар.
Живед циф я-кьунва цавар,
Чав агудиз цавун къавар.

Садлагьай жив,садлагьай жив,
Алатна ван.ацалтна къив,
Бицlекар я,къугъунариз.
Дуьнья вичиз ганавай хьиз-
Хкадариз,ава шад яз,
Зунни шад я абур акваз.

09.12.17г.