Куьрепатанбур...
Къубапатанбур...
Лугьуз,авайбур-
Са чlал гвайбур...
Пай жезва икl чун,
За мад вуч лугьун...?
"За" килигна ваз...
"Вун" килигна заз...
Гьикl кхьин дуьз я?
Гьуьжетар куьз я?
Грамматика-
Хуьн герекди я,
Туна кlанда саф-
Сани авач гаф!
Амма рахунар,
Адан къанунар
Са кlус чара я,
Сад туш-парана.
Я ватанэгьли-
Машгьурди...сейли...
Яни гьакlан тир,
Тlвар-ван авачир
Дуст кас-гьикl жен чун?
Де ша тван "зун-вун"...
За икl лугьуда-
Гьатда гъавурда,
Са рушаз вуна,
Лап рикl кутуна
Лагьайтlа эгер-
Ваз кlандай тегьер-
Гьич "...вун кlанда" ваъ:
"Заз вун канзава".
***
© Copyright: Намик Фарзалиев, 2017
Свидетельство о публикации №117120608753
Свидетельство о публикации №117120608753
Рецензии