Ахъаймир вуна зи гъил и дуьньяда,
Атада вуч жеда-чидайди авач.
Бежагъат зав и ашкъ ана гахкьада-
Чир тийир чкадиз за гьикl вегьин кlвач?
Герек туш анавай малайикар заз,
Зи гьуьруьни вун я,малайикни-вун.
Верци я яргъай къвер зуьрнедин аваз,
Аван кас,къайдаяр чидайни-цавун?
Ахъаймир на зи гъил инамай кьадар,
Чарана гьикl жеда садазни чидач.
Вун галаз акъатдай лап а усал къар,
Эбеди уьмуьрдан эвез хъийидач.
04.12.17г.
***
© Copyright: Намик Фарзалиев, 2017
Свидетельство о публикации №117120608739
Свидетельство о публикации №117120608739
Рецензии