***

Хуьре яшамишда шегьердавай хьиз,
Я са верч авайд туш,яни мал-къара.
Рахада вахъгалаз зегьер авайд хьиз,
Регъуьвал авайд туш,я абур-гьая.

Бубадлай аламай гьин цикlенава,
Цурин паруни хьи,цlуьзва авахьна.
Са мехьвед гъуьр авач кlвале-кьенава,
Рикlерай физвайд я-вич кавха хьана.

Ийесиз амазва чилер,чкаяр,
Цадайд,гуьдайд авач,цацари кьунва.
Ич вуч я-хьаназхьуй неда чкалар-
Яд такваз,багъ-бустан кьурана тунва.

Кlвализ дуьшуьшдай са мугьман атайтlа,
Чlугазва хажалат,гъам-папа,суса.
Сая са къайгъанах чраз кlан хьайтlа,
Адазни какаяр къачузва маса.

Гъенера,гьайатра демер хъийизмач,
Эвел хьиз,кьвед юкъуз шадвилердайвал.
Зуьрнедин,далдамдин ванер хъигьизмач,
Кафе,ресторанар гила дебдава.

Я са кардихъ галач,я мажал авач,
Ава физ-хквезни куьчедал,кимел.
Къуншидин къуншидихъ умуд галамач,
Саднавач куьмекдай-ийиз хьайтlа мел.

Заз таниш хквезвач жуван хайи эл,
Кис хьана ама зун къеняй куз,ргаз.
Салам къачун патал яргъи авур гъил
Кьазвач...на лагь адвай бурж кlанзава заз.

Чlур хьанва адетар,къилихар тамам,
Чара шеериз я инсан мад есир.
Хканда иски хуьр,а куьгьне гьамам-
Зав ни вахгуда зи къадлагьай асир?

02.12.17г.