Стихи на Адыгейском языке

Щы1эныгъ.(Жизнь).

Зэхэшъоха псыхъом игущы1э?
Тежъугъэдэ1уи и пчэдыжь 1ушъашъэ.
Къушъхьэм иинагъэ ар пэщытми.
Зигъэк1одрэп ифэми ылъапшъэ.

Мо тежъугъэплъи уашъом идэхагъэ.
Пчэдыжь дахэм Тыгъэр къызыкъок1рэм.
Чэщ нэфым жъогъо куп техьагъэу.
Напэр къегъэгуш1о Мэзэ къок1ым.

К1элэц1ык1ум игуш1опсы жъынчым.
Тинасыпи нахьык1ахьы еш1ы.
Зэхэсэхы, щы1эныгъэ тынчым.
Гъогу къинэр нахьыпсынк1э тфеш1ы.

Шьыд зэрэт1оу, таущтэу тызэреплъэу.
Щы1эныгъэм идэхагъэу хэлъыр.
Нэм ылъэгъурэм гури къыдиреплъэу.
Шъхьадж игъогоу хихырэм тырелъхьэ.
       ***

Гупшыс. (Думы о Родине)

Пчэдыжь нэфышхоу, тыгъэ къокIыгъом.
Къушъхьэм идахэ, сынапIэ сэдзы.
Гум игухатхъэу, гум ипэщагъэу.
Орэды дахэр псыхъом къыхедзы.
                ***
Мэфэ щэджэгъум бзыу иорэдэу.
Адыгэ коим щызэхэсэхы.
Тыдэ сыщыIэми сыгу иморадэу.
Си Адыгеир гум къызэхехы.
                ***
Пчыхьэшхо уахътэм пшысэу къыIуатэрэм.
Хымэ чIыгушIхьэр ащ щысэлъэгъу.
Сэ сигупшысэу жьыбгъэм есIуатэрэр.
Адыгэ гъунэр сэ сишIулъэгъу.
***********************
Шэбэнэхьаблэ иорэд. Песнь аула Шабанохабль

ШАБАНОХАБЛЬ - исчезнувший адыгский аул, находившийся ранее на левом берегу реки Кубань недалеко от Краснодара, в Теучежском районе республики Адыгея.
Ныне затоплен водами Краснодарского водохранилища.
На период затопления в ауле проживало более 500 человек.
Всего под водами Краснодарского водохранилища покоиться 13 аулов.
Общее количество переселённых семей составило 4 195 семьи, с населением 15 749 человек.
……………………………………………………………

Ор, си къуаджэу Шэбэнэхьабль!
Тэ укъэсхыжьа?
Уи орэд макъэ, орэды IаплI.
Зэхэсэхыжьа?

Уитыгъэ мафэ сыгу къысфыщепсы.
Сщымыгъупшэжьэу.
Уимэфэ дахэ сынап1э телъ.
Сыгу имык1ыжьэу.

Уи чъыг 1упшъашъэ
Пчэдыжь нэфым сэ сык1эда1о.
Адыгэ пшъашъэм
Иорэд макъэ жьыбгъэм къыде1о.

Ор си къуаджэу Шэбэнэхьабль!
Псы мыгъом уехьа.
Зэманы пчъагъэр ащ темыш1агъэми.
Гу уз къысфехьы.

Уи к1элэц1ык1умэ я гуш1о щхыныр.
Пк1ыхьэу сэлъэгъуи.
Уи хьатыяк1о ижъынчы пщынэ.
Къашъор илъагъуи.

Ор, си къуаджэу Шэбэнэхьабль!
Пшызэ идахи.
Си Хъумэджые ипсы сыхаплъэмэ.
Гуш1ор къысхахьи.

Тыгъэшхо нэфэу мэфэ дэхагъэр.
Къэуш1унк1ыгъри.
Чэщыри мафэри щызэхэхьагъэу.
Къызэсынэк1ыри.

Ор, си къуаджэу Шэбэнэхьабль!