Верш для дзетак.
Снежань прыцемкі цярушыць,
Дзверы ў зімку адмыкае,
Шкельцам лёду клеіць лужы
І наступны год чакае.
Паркалёвыя фіранкі
З аканіц смугі здымае.
Для дзяцей рыхтуе санкі,
Што на дах занеслі ў маі.
Для калядаў коз гадуе,
З поўняй ладзіць ноччу зоркі.
І гасцінцы ўсім гатуе,
Ад мядзведя да вавёркі.
А маленькаму Максімку
Прынясе квіток на свята.
Новы Год там будзе ўзімку
Карагод вадзіць заўзята.
Снежань
© Copyright: Людмила Воронова Супрун, 2017
Свидетельство о публикации №117120311705
Свидетельство о публикации №117120311705
Рецензии
прыгадаў і свае дзяцінства, так яскрава напісана. і ўсе святы зімовыя такія доўгачаканыя і прыемныя, падабалася мне, па-народнаму проста і цікава.
Алесь Борский 13.12.2017 18:44 • Заявить о нарушении
Алесь Борский 13.12.2017 18:44 • Заявить о нарушении
Дзякую, паважаны Алесь, за водгук!)І для нас дзяцей бацькі заўсёды стваралі казку. Сабе маглі чаго не купіць, а нашы мары здзяйснялі. І народныя святы са сваімі легендамі, прыкметамі таксама помню. А смак ламанцаў напэўна не забудзецца ніколі. Мама і зараз гатуе. На жаль мы далёка і не часта бываем у бацькоў. А яны заўсёды гатуюцца да святаў, бо заўсёды нас чакаюць. Дабрабыту вам, Алесь! І натхнення!Бо за вамі будучыня.
З павагай. Людміла.
Людмила Воронова Супрун 13.12.2017 20:11 Заявить о нарушении
З павагай. Людміла.
Людмила Воронова Супрун 13.12.2017 20:11 Заявить о нарушении