Мичlи йифиз рехъ фидайла
Фонар кьада за,
Мичlен зулмат адан нурдив
Тамам хада за.
Эгер такваз,кlвач галкlана
Ярх хьайитlани,
Мад къарагъна,давамда за,
Жеч къайгъудайни...
Зи кичlеди маса шеъ я-
Рикl мичlери кьун,
Акьулдин вил буьркьуь хьана,
Ана экв тахьун.
И себебдай авур гъалат
Дуьз хъийин за гьикl?
Йифен рехъни и мичlивал
Жедайд туш гекъиг.
Эгер рикl ви,зулмат ятlа,
Рикlевачтlа экв-
Ваз са чирагъ,маякдани
Хъийидач куьмек.
***
© Copyright: Намик Фарзалиев, 2017
Свидетельство о публикации №117120102717
Свидетельство о публикации №117120102717
Рецензии