Уьмуьр физва кьилни туна на чиле,
Гьар са йисан ц1арар гьатна чина ви.
Агъзурни са фикир ава а кьиле,
Кьуразва хьи бедендавай ви иви.
Гьикьван рекьер гатана ви к1вачери,
Ч1ум ат1ана, зегьмет къачур гъилерин.
Гимиш кьуна вахт жедалди ч1арари,
Ишигъ авай нур кхьвахьнава вилерин.
Азабри кьур беден татаб къекъвезва,
"К1ула кьуна ч1ехи парар аялрин",
Рик1ин хирер гъиле кьуна рекьизва,
Тадиз фейи, гьеч кьаз тахьай хиялрин.
Ст1ал ст1ал авахьзава а кьиляй ви,
Шумуд йисан азабрин дерт хъачурай?
"Гъумруч иви авахьзава виляй ви",
А ругьта лап кьат1- кьат1 хьанвай хирерай.
Уьмуьрдин пар
© Copyright: Назиль Махмуд 76, 2017
Свидетельство о публикации №117111407175
Свидетельство о публикации №117111407175
Рецензии