Эгер диде кlвале авач,
Серин жеда кlвалин гьава.
Эгер диде хуьре авач,
Хкахьдачни гъетер цава.
Эгер диде къвалал алач,
Пара гзаф пашман я зун.
Эгер диде мукьвал алач,
Тек зи рикlин дарман я вун.
Эгер диде виле амач,
Уьмуьрдин рехъ четин жеда.
Эгер диде меле амач,
Рагъ алай югъ серин жеда.
Бахтлу йисар фад алатна,
Къведа гьахьтин цlигел вяде.
Лугьузва за квез акъатна:
"Хуьх гьар сада вичин,диде!"
Эгер диде...
© Copyright: Марьям Алискерова, 2017
Свидетельство о публикации №117111206362
Свидетельство о публикации №117111206362
Рецензии
