Савуту ёкъ сапарчы

Бир адам ёлгъа чыгъа ёлукъма деп душмангъа.
Гюбе авур гёрюнюп, ташлай ону бир янгъа.
Сонг къылычы сюйрелип, авур болду бир яны
Ашы, суву да энни артыкъ югю инсанны.
Къоя туруп буланы, адам болду парахат
Бу затларсыз нечеде юрюмегеде рагьат.
Сагьатлар гете бара, гюн битип гече геле
Къарай ай ярыгъында бир сюлдюрлер гёрюне.
Сонг ону душмланлары аралап къолгъа ала,
Савутсуз, ач, ялангъач бу адам гьайран къала.
Кёмек этер бирев ёкъ, оьзю болмай къутулма
Тарыкъму эди бугъар ажизлейин тутулма?

Шолай мисалгъа ошай олай адамны гьалы
Къоюп къойгъан зикруну, гьеч ёкъ яхшы амалы.
Сюннетлер огъар къыйын, парзны тутма аввара
Яхшы къылыкъ да сингмей, муну гьалына къара.
Сонг бу мискин кант этсе, шайтан мени къоймай деп
Душманлар аралагъан къаным ичип тоймай деп
Сен айт огъар - гьей пакъыр, сен оьзюнгню ашадынг
Яхшылыкъгъа арт берип , гьалсыз болдунг, бошадынг.
Ярамас, къардашларым, шулай осал болмагъа,
Сизде зикрулардан сонг, дуа этерсиз магъа.


 Кюржан 2016