Темир десек - болат тюгюл,
Окъ алмасдай гюбе тюгюл,
Сюлче булан сюнгю тюгюл,
Эсибизге алынагъан.
Къындан чыкъгъан хынжал тюгюл,
Шёшге туврар къылыч тюгюл,
Ташны ярар наллар тюгюл,
Къулагъынга чалынагъан.
Къалкъанланы танкъы тюгюл,
Тар ёлланы занкъы тюгюл,
Минегенинг къалкъы тюгюл,
Душманлагъа окъ атагъан.
Барда затны унутгъансан,
Мечлерингни сувутгъансан,
Амма темир къашыкъны чы,
Кёп аявлап, бек тутгъансан.
Темир къызса боладыр эркин яшав.
Меч сувуса бир къайгъы, о да ашав.
1 Тунлу 2016
Темир десек
© Copyright: Ибрагим Махтибеков, 2017
Свидетельство о публикации №117111201011
Свидетельство о публикации №117111201011
Рецензии