В. Пшавела. Хьаьшеи фусам-даи. 9 дакъа

Аслан Куазо Ингушетия
IX

Арахец Агазас дажа
Iурра, сердалонца, жа.
Iемарашта гIолла Iаьржа
Керан[1] IиндаргI хьувзаш да.
БIаргашкара хий ца хадаш,
Керчу бала ца бужаш,
Йода къона кIисте удаш,
Сиха лоам тIа кхачар ловш.
Лакхеяьнна, тIошта юкъе,
Iочухьеж из кашанга.
ГIайгIане, во цIогI эккхийте,
Гонаш тувсаш укхунга,
Хьувз ткъамдIаьха къиза кер.
Малх мо йолча ший юхь тIара
Бала эшо ловш я ер:
КхертIой детташ, дакъан тIара
Оалхазарий йоаю лар.
Листача эстешта юкъе
Iохов тIаккха, хьулалий,
Моттийта – ше тегаш хулче[2],
ЯгIаш санна, Iехам бий.            



[1] Кер, керан (гIал.) – ястреб, ястреба (эрс.)
[2] Хулче (гIал.) – чувячная подошва (эрс.)


© Copyright: Аслан Куазо Ингушетия, 2017
Свидетельство о публикации №117110807090
Список читателей / Версия для печати / Разместить анонс / Заявить о нарушении
Другие произведения автора Аслан Куазо Ингушетия
Рецензии
Написать рецензию
Другие произведения автора Аслан Куазо Ингушетия