Цавар, чилер хьайит1ани са патахъ,
Намус, абур квадар мийир, чан бала.
Аллагьдиз на дуьа ийиз, вун алахъ,
Уьмуьр ширин, бахтлу жеда, чан бала.
Дуьнья ац1ай хьайит1ани, девлет вахъ,
Виридалай вине кьамир, чан бала,
Уьмуьрда чир хьайит1ани, табни, гьахъ,
Инсанвал на квадар мийир, чан бала.
Диде, буба хьайит1ани галаз вахъ,
Са кап фу нез чира жуваз, чан бала.
Далу гана элкъвейт1ани, дуьнья вахъ",
Шагьвар хьана къекъвемир вун, чан бала.
Къван хьиз кьуна жуван рик1 а са патахъ,
Къалурмир на садазни т1ал, чан бала.
Тежердини ийиз хъсан, вун алахъ,
Ачухда ваз Аллагьди рехъ, чан бала.
Жезвай гьар кар и дуьньядал са къвалахъ -
Фида абур яваш - яваш, чан бала.
Яб це вуна, дидедин гаф к1евиз яхъ,
И дуьньядал мугьманар я, чун, бала.
И дуьньядал мугьманар я, чун, бала
© Copyright: Назиль Махмуд 76, 2017
Свидетельство о публикации №117110105382
Свидетельство о публикации №117110105382
Рецензии