***

Гуз хьайитlани ана гьалвадин кур жуьт къуша-
Зун хкведач,кьаз меце,заз лугьумир мад:"хъша".

Лап гишилай зун жеда,кlус жагъидач зав,кьурай,
Мес жагъидач къаткудай-вуч жеда кьван,къуй хьурай,
Лагь бубадиз,чан диде,денг тавуна зун,турай,
Кlандач адан мални заз,чилни маса,гьакl гурай,
Кlан хьанавайдини туш,заз анагар гьамиша,
Бес хъя,мад хъулгьумир заз,ша,Ватандиз хъша.


Ген гена куьтягьзамаз,гьатзава хьи цан цада,
Зул хьанани,суьрсетар кlватlда лугьуз чан куда,
Экв ахъа хьанвач гьеле,кlекре вичин ван гуда,
Векь ягъунар,шах-кlарас,мал-къарадин къайгъуда...
Лап рекьида зун ина,гьатнани дуьздик каша-
Амма хквеч зун аниз,заз лугьумир мад:"хъша",


Ламра кlвачив вегьена,женнети-макан я зун,
Жезтlа хьурай,парадаз инрани дакlан я зун,
Белкини гъейрет-ламус гьич авач.аскан я зун,
Гьикl куьне а дагълара эхзава-гьайран я зун,
Лап кlани кьван рикl кана,чан диде,заз къаргъиша-
Чин ягъамир заз куьне,мад лугьумир:"фад хъша".


Пабни аял къехуьниз,заз куьне гузва абур,
Пабни аял вучда за,туртlа куьне зав сабур,
Им я за хкяйнавай рехъни,хьурай квез кьабул,
Зун хьтин авайди я инра гзаф парабур,
Зи паталай гьат тавуй чанда куь,гьич тешвишар,
Кеспи авачтlани са-заз ,лугьумир мад:"хъша".


Лацу якарин,ава,кlани кьадар руш ина,
Гьатзава зун гагь адан,гагь муькуьдан ашкъина,
И кефияр,лагь гила,зав жагъида мад гьинай?
Гьатнава,бахтар хьана,зи кlвалахар генгина,
Ихьтин уьмуьр таз ина,гьикl хкведа зун,де ша-
Чан дидени чан буба,заз лугьумир мад:"хъща".


Вуч пара ватан лугьуз,куьн я гьаваян рахаз,
Дагъларикай жер ватан низ я герек,садра къваз,
Гьин чкада заз регьят жезтlа,ватан ам я заз,
Зун гила русятдава,туштlани гьич кеф чlугаз-
Пис ятlани низ ина-заз я масан,зун я шад,
Зун хкведач дагълариз,заз лугьумир мад:"хъша".