(Эльвина Юлдашева иджра эткен йыр)
Бу алем – копчектир,
Айлана, тохтала, агълай ве къувана.
Къырал мында – истектир,
Умютлер иле яшар ян-яна.
Эх, такъдир – оюндыр,
Алдата, агъырта эм де къувандыра.
Ёллары тюрлюдир,
Я узун, я къыскъа я да къара.
Шенъ тебессюм къуртарыр бу дюньны
кийсен юзюнъне (оны сен) …
Багълама:
Не де гузель
юректе алевли атешлер янса.
Не де яхшы
эр бир кунь, эр дакъкъа къуванчнен толса.
Ач гонълюнъни
узансын гуль киби темиз ярыкъкъа
ве самимий
севгини ал бу яланджы елларгъа.
Бу омюр – кузьгюдир,
Дарылма, агълама. Куль эр даим онъа.
Ираде – озьгюндир,
Де сёне де кене осе, яна.
Арзулар – ренклидир,
Токъталма, къуюгъа оларны ташлама.
Имкянлар чешиттир,
Къавий бир ниетсиз башлама.
Шенъ тебессюм къуртарыр бу дюньны
кийсен юзюнъне (оны сен)…
Багълама.
Октябрь 30, 2014 с.
Тебессюм
© Copyright: Эльмара Мустафа, 2017
Свидетельство о публикации №117102600002
Свидетельство о публикации №117102600002
Рецензии