Ахкано гуйрено шоайле къийсар
Гаьнаш гlаьнаш тlера тийсар
Лоаца денош, бийсаш шийла
Цхьоалено са хьувза гlийла
Сигала гlолла оалхазарий жут
Бlайхача мехк дlадодаш гу
Бlаьсти ялца цар тхо укхаз дут
Бунен доассал, са саготлу
Шуца гlатта даларе ткъамаш
Укхаз lергваларе яр-кх тамаш
Тlабийхе гlирс, гlала юкъе воал
Хьожаргволаш цига фу доал
Гlаьнаш халхадоаха михо
Догlан тlадамаш лувца юхьо
Волалу сихагlа боахаш гlа
Гlоргйолаш санна чехкагlа ха
(Тембенаькъан Мусай Мухьаммад 22 тов 2017)
Гурахь
© Copyright: Магомед Тамбиев, 2017
Свидетельство о публикации №117102311604
Свидетельство о публикации №117102311604
Рецензии