Рехи хьанва зулун пешер,
Агатиз яваш.
Япа гьатиз шедай ванер,
Гарун са кармаш.
Къирав кьуна лацу, иер,
Кабаб хьанва ч1ур.
Селлер физвай зулун вилер,
Гузмач куьне нур.
Уьмуьрда ви алай хирер,
Ат1уз вавай жеч.
Зулун пешер гьатай рекьер,
Чилел жеда кьеш.
Деринравай рик1ин сирер,
Акъуд жедач гьич.
Зулу къайи кьунвай симер,
Ялав хьана- пич.
Муьгьуьббатдин кана хилер,
Агудиз жезвач.
Рангуник квай зулун пешер,-
Уьмуьрни амач.
# # # #
Ашукь хьайи манийралди,
Аватиз пешер.
К1анибурун рик1ералди,
Аквазва шегьер.
Махпурдин лап къизилралди,
Эк1ягъна чилер.
Мурк1ади кьур гуьзгуьйралди,
Гьатзава эквер.
Лувар гузвай къушаралди,
Дерин жез цавар.
Перер хайи рушаралди,
Рик1из жед хабар.
Зулу вичин яшаралди,
Дамах ийизва.
Далдамдин ван к1ашаралди,
Уьлкведа твазва.
Рехи зул
© Copyright: Назиль Махмуд 76, 2017
Свидетельство о публикации №117101204307
Свидетельство о публикации №117101204307
Рецензии