(1992-ча шера гурахьа
гIалгIай къаманна тIадена
хатар дагалаьца)
Керара дулха дог,
Хьо хIанад сатеме?
Хьона хIанз мишта мог
Ца делхаш, тийна Iе?
Даймехка лийза ког
ХIана лувз чоалхане?
Даьхенах ваьнна саг
ХIана ва балане?
ТIехьоалар:
Ва веза ва Даьла,
Хьога да тха дехар:
Хоадабе Iа бала,
Толаде нийсадар.
Хьо ма вий тха аьла,
Хьога да тха хьежар:
Хьай пурам Iа дала
ЦIаверза хIаравар.
Хьамсара тха Даьхе –
Хьаьнала ГIалм-аре,
Яц цхьанна хьо маьхе,
Дохарах ер дуне.
Хьо йоацаш тхо дахе,
Яйна я тха урхе,
Боад ийна я маьлхе,
Ийша я тха сийле.
ТIехьоалар:
Ва веза ва Даьла,
Хьога да тха дехар:
Хоадабе Iа бала,
Толаде нийсадар.
Хьо ма вий тха аьла,
Хьога да тха хьежар:
Хьай пурам Iа дала
ЦIаверза хIаравар.
09.I0.20I7 шу.
Бехача наьха илли
© Copyright: Аслан Куазо Ингушетия, 2017
Свидетельство о публикации №117101007204
Свидетельство о публикации №117101007204
Рецензии