Як жывецца-можацца

               Люлі,люлі,
               Увапхнулі
               З краіны сонечнай
               У край воблачны.
               Ногі тут ныюць,
               Зусім слабыя,
               Вятры выюць
               Задужа злыя.
               А дзікі ураган
               Дык так спужаў,
               Што дамкрат-кран
               Страх той не падняў.
               А вандроўніца гаруе,
               Бо у яе старане,
               Бы залаты гарус,
               Сонца у вакне.
               І заліта хата
               Святлом сонечным,
               І блікі-зайчыкі заўзята
               У хаце танчаць полечку.
               А калі дождж бывае,
               То ненадоўга,
               Ізноў сонца ззяе,
               Бы тая залатоўка.
               Хустку гарусовую
               Вандроўніца мае,
               Бы нейкаю каронаю
               Хуста тая ззяе.
               Калі ж сонца няма,
               Дык хустай любуецца,
               І цешыцца душа,
               Хрыстам-Богам злітуецца.
               Цюльпананамі двор поуніцца,
               Быццам з кветак вогненных,
               Глядзела на іх качэўніца,
               Глядзела,вохкала!
               Усё ж-такі ўцякла
               З сівой Поўначы,
               Бо ўсё пляла
               Аб краі сонечным.
               Гаравала,уцякала,
               Аж свету не бачыла -
               Вось дык праява,
               Поўнач ты воўчына!
               А зімой клеіцца
               Усё да цяпла,
               Белая ж мяцеліца
               Ужо ж дапякла!
               На мяккай канапе
               Яна таўчэцца,
               Грэе рукі-лапы
               На нейкай батарэйцы.
               Госцяю сядзіць за сталом
               Тое качэўе-ліха,
               Чужы хлеб калом,
               І мармыча ціха:
               Як села-пала,
               Дык сабакаю стала:
               Воў-воў,
               У будку дамоў!
               Гаў-гаў,
               Костку гаспадар даў.
               Як згрызеш ты костку,
               Дык свіснуць табе хутка,
               І як смактануць соску,
               Вылеціш вон прутка.
               Прутка - прутчэй не трэба,
               А бяззубым ротам
               Не угрызеш ты хлеба,
               Дык прыйдзеш потым...
               Апсік-абрысь,
               Злыбедзь-мявучыца,
               Ты маю жысць-мыш
               Пасткаю замучыла!
               Нехта еў макароны
               І падлічваў ціха
               Апошнія кроны
               Як беднасці ліха.
               Ёсць лёс і другі:
               Грошы крута мае
               І нейкія там мазгі,
               Што з ілба выпірае.
               Коціць ён перад сабою,
               Бы пса рудога,
               Што прыцёгся з гайні-бою,
               Бедняка дурнога.
               Са злосці барадою трасе
               Ванючай,казлінаю,
               Бедныя рагочуць усе
               Ды над скацінаю!
               Сабачай бруднай поўсцю
               Трасе ды лаецца,
               А жывот тоўсты
               Аж выгінаецца!
               А бедная вандроўніца
               На лёс наракае даўно...
               Перад казлом яна першая,
               А ён усё-ткі г...но.
               Наракае-карае,
               Каркае кара,
               Воранаў зграя
               Гуляе-лятае.