Табиатны янгурлары тав оьзендей агъагъан,
Юрегиме салдынг яра даим дамгъа къалагъан.
Ахырынчы сёзюнг айтып юрегимни гюйдюрдюнг,
Къарсалатып сан-санымны унутмагъа буюрдунг.
Гюзню гюню булут басгъан шавласы ёкъ гюнешни,
Тунукъ гече яш юрекге уьч тюрлю ёл уьлеше.
Узатылгъан къолну къойдунг гьашыкъ сесни танглагъан,
Башгъасына гёз къаратып бёлдюнг ёлум сайлагъан.
Умут уьзген яш юрегим къалды энни кюстюне,
Къарангылыкъ синген мени насибимни тюсюне.
Гёнгюсю ёкъ ойлар энни ахыратны гёзлете,
Азиз досум бу яшавну тас этген сонг леззетин.
Уьч тюрлю ёл
© Copyright: Адилгерей Минатуллаев, 2017
Свидетельство о публикации №117100704899
Свидетельство о публикации №117100704899
Рецензии