Гатайт1ани руьгь аямдин дингинал,
Ватан кани чилинви жез атана.
Са вад йикъан мугьман жедач дуьнядал,
Зун ч1аварин рекьинви жез атана.
Пун-кьил течир махарикай гат1ана,
Руьгьдин ризкьи, заз Ракъинай жагъана.
Уьмуьрдин вар, хъуьрез-хъуьрез гатана
Хайибурун рик1инви жез атана.
Эйваз я зун, вахт тагана къаларив
Хъачиз тадач кьат1унрикай т1аларив.
Рик1ин виляй авахьзавай ч1аларив
К1елзавайдан к1валинви жез атана.
Атана зун
© Copyright: Эйваз Гуьлалийрин, 2017
Свидетельство о публикации №117100208812
Свидетельство о публикации №117100208812
Рецензии
