Муьхеммес

Завай ваз и шиир талгьай жедач хьи,
Рикl ахайна,зи сир талгьай жедач хьи,
Хьурай вазни ам чир-талгьай жедач хьи,
И дерт эвел-эхир талгьай жедач хьи:
Хьанва зун ваз есир-талгьай жедач хьи.

Гзаф чlав тир лугьу тежез амай зун,
Гьар акурла регъуь жез-жез амай зун,
Сив кьуразвай,галкlузни мез амай зун,
Лап жувакай жуваз хъел къвез амай зун,
Куьз икl хьанай фагъир-талгьай жедач хьи.

Рикlелламач,заз вун гьина акунай,
Са такаббур аваз чина,акунай,
Гьикl лугьуда вуч хупl хьана акунай,
Тур чкадал и ашкъина,акунай-
Квахьна зи чир-течир,талгьай жедач хьи.

Гьайиф къведа тамашиз ви тилериз,
Гъвечlи,гирде,чlулав,инжи вилериз,
Памбаг хьтин лацу,цlалцlам гъилериз,
Цавун кардиз,вун гайи чи чилериз-
Са аламат,суьгьуьр талгьай жедач хьи.

Вун акуна,ахварарни кал хьана,
Кьиле,рикlе ви ашкъидин тlал хьана,
Акьул фена-им ни вегьей фал хьана?
Амай кьинер Намиказ и чlал хьана,
Вакайни хьи-са пир,талгьай жедач хьи.


19.09.17