Къвезвач ви ухшарар заз зи кlанидкай,
Яни ам кlаниди -лугьузни жезвач.
Чида заз,вун закай кlанватlа гьикlа,
Батlул я-чара гаф мецел зи,къвезвач.
Ийер я ам гзаф,хесетар-масан,
Амалар ,крарни адан,заз хуш я.
Хизанни хьанва чун гила,пис-хъсан,
Ви чка,амма зи гевилда буш я.
Зид хьана,вид хьана тахсирар-чидач,
Веревирд хъувуна вучда мад чуна?
Рикlиз кlан хьайитlан,вилери гъидач
Ви ухшар-адакай,а ийер чинай.
Чидач и хиве кьун ваз герек я,туш,
Са кlус ви такаббур кьезил жезватlа...
Мадни...ашкъ вуч ятlа заз чирай са руш-
Вун хьана дуьньяда,вун я-аматlан.
16.08.17
Ваз зи ухшар къвезвани ви кlанидкай... Марьям Алис
© Copyright: Намик Фарзалиев, 2017
Свидетельство о публикации №117100201838
Свидетельство о публикации №117100201838
Рецензии