Зи япара, ахварай хьиз ван ава,
Хуьруьн кьулан рагъул вац1ун рахадай.
На лугьуди, къене ругьдин чан ава,
Дердер, гъамар явашдиз заз акъайдай.
Гьикьван уьмуьр фейит1ани, акъакьдач,
Ви яргъивал, деринвал руьгь, алцумриз.
И дуьньяда вуч кьурт1ани, ахкакьдач,
Рагъул хьана фида вун лап, зулумриз.
Я къван къванцел, я чил, я рехъ тадач на,
Тарар, к1валер диберай на чук1урна.
Гьикьван крар и дуньядал хкажна,
Рик1 рик1ивай, азабралди къакъудна.
Гила кьванни секин хьухь вун, са т1имил,
Ахварайни аквазвайди вун я заз.
Хуьрелай ви рагъул хьана, къвезва гъил,
Аватзава ахварай зун, рик1 ягъаз.
Рагъул вац1
© Copyright: Назиль Махмуд 76, 2017
Свидетельство о публикации №117092806434
Свидетельство о публикации №117092806434
Рецензии