Лугьузва на, зи рик1 къван я,
Ваз к1андай а рик1.
Хабар туш ваз, йифен т1ал я,
Эхзавай месик.
Вилерилай багьа къашар,
Физва явашдиз.
Лугьуз гьатна ругьдин къушар,
Цавун лап аршдиз.
Лугьузва на, зи рик1 къван я,
Рик1евач зи вун.
Ам кьуразвай гьа зи чан я,
Ат1анвай са ч1ун.
Шагьвар хьиз вун къекъвезва лап,
Зи чанда чимиз.
"Кутаз макьам, ягъиз на кап",
Рик1 кузва михьиз.
Лугьузва на, зи рик1 къван я
© Copyright: Назиль Махмуд 76, 2017
Свидетельство о публикации №117090907423
Свидетельство о публикации №117090907423
Рецензии