Калi... Джозэф Рэдзьярд Кiплiнг

Калі спакой свой захаваеш ты, а людзі
Вініць пачнуць, згубіўшы галаву, ва усім,
Вер сам сабе, сумнення досыць будзе,
І усё ж прабач гэта сумненне ім.
 
Калі зможаш чакаць і не тужыць у самоце,
А на падман не скажаш словы  ілжы, 
І на нянавісць ворага сваёю не адплоціш. 
Сябе не лічы лепш за усіх і мудра не кажы.
 
Калі не станеш жыць у палоне ўласных мрояў
І думаць – так, каб мысленне мэтай не было. 
Калі  ўспрымеш аднолькава Паразу й Перамогу,
Бо ў сутнасці яны цябе падмануць усё адно.
 
Калі пачуеш сам як праўда, што сказаў ты,
У вуснах нягоднікаў стане пасткай для дурных,
А усё, чаму аддаў жыццё, разбурыцца  назаўтра,
Хоць аднавіш нанова гэта працай рук сваіх.

Калі  аднойчы ўвесь свой скарб жыццёвы,
Нібы ў арлянцы зможаш выставіць на кон,
Прайграць затым, каб усё пачаць з асноваў
І не прамовіць шкадавання наўздагон.

Калі прымусіць здольны свае нэрвы й жылы,
Служыць табе,хоць будзеш сам жывы ледзь-ледзь,
З астатніх сіл трываць, хоць не хапае сілы,
Толькі Воля загадвае:“Трымацца і цярпець!” 

Калі  ты можаш з годнасцю   трымацца прад народам, 
А на шпацыры з Каралямі -помніш пра людзей, 
Калі душы тваёй не закране ні сябар, ані вораг, 
І усе могуць,хоць крыху, разлічваць на цябе. 

Калі зможаш жыццё зрабіць такім глыбокім, 
Каб кожны міг  яго быў варты ста гадзін, 
Тады Зямля твая  і усё што ёсць навокал ,
І больш таго, на ёй ты  -  Чалавек, мой сын.