Пад буслінымі крыламі белымі
Між азёраў і рэчак ляжыш,
Каласамі шаўковымі спелымі
Як скарбонкай зямлі даражыш.
Ты, зямля мая, родная, мілая,
Гадавала з калыскі мяне.
Песня льецца чароўная, шчырая -
Я сцяжынкай іду, як у сне.
На замежку красунню-каліну
Не аддам я нікому вавек,
Без рамоначак белых загіну,
Сэрца страчу без хваль тваіх рэк.
Сінім полымем з'зяеш у полі
У аксаміце званочкаў сваіх.
Не знайсці анідзе лепшай долі -
Я з вандроўкі вярнуся да іх.
Край мой любы, на свеце адзіны!-
Голас мой як крынічка звініць...
Не знайсці мне за морам Айчыны -
Толькі разам з табою мне жыць!
02.09.2017
Край мой любы
© Copyright: Алла Ермак, 2017
Свидетельство о публикации №117090209507
Свидетельство о публикации №117090209507
Рецензии