Гъиле кьуна пак тир Кьуркьан,
Агудмир вав чIуру ният.
Йикъа вад капI иийиз, инсан,
Ая жуван чандиз регьят.
Яшамиш жез гайи чандиз,
Жуван кьве кIвачел къекъвезвай;
Шукур ая на Аллагьдиз,
Вал къекъверагвал текъвезвай.
Гьуьрмет ая вавай жери,
Гьар са хъсан кIвалах чирна.
Сад тир Аллагьдилай гъейри,
Амайбуруз гумир сир на.
Малаикар тир балаяр,
Дявекарри телефзава.
Чи кьилерал гъиз баллаяр,
Руьгь амачиз гьелекзава.
Гьич садазни тахьуй кьисмет,
Гъам чIугвадай хажалатар. Руьгьсузбуруз ая туьгьмет,
Терг хьурай ахьтин жаллатIар.
Т1алабзава гьар кап1унал,
Ислягьвал хьун и дуьньяда.
РикIе хъсан ният хьунал,
Дуствал жезва чи арада.
Гъиле кьуна пак тир Кьуркьан
© Copyright: Назиль Махмуд 76, 2017
Свидетельство о публикации №117081803808
Свидетельство о публикации №117081803808
Рецензии