Воспоминания о Крыме. Марина Ахмедова-Колюбакина

 Марина Ахмедова-Колюбакина. Воспоминания о Крыме.

Зи цIуд йис тир.. ингье...Ракъинин марф хьиз,
Крым гьа авахьна тIехверал чинин-
гадарна нинияр за аялвилин,
абурун гьайифар мад чIугван тийиз.

ЧIехи стха галаз чун дагъдин синел
акьахдай жигъиррай, лап вагьшияр хьиз
ва чаз чун гила мад аквадай чIехиз,
викIегьдиз чуьнуьхуьз кичIевал къене.

Кьуранвай хамуна жедай кьел гьатиз,
дабанар цIалцIамдай куьлуь къванери,
муьжуьд сятралди сирнавар ийиз,
гьуьлуьн дад къачуна Ассоляди хьиз.

Гъетериз махсус тир ни галай гъене
за йифди эсерар кIелдай Гринан,
рифмада туькIуьдай зи тIвар Марина,
адан тIварцихъ галаз шииррин къене.

Пакама акъатдай цел яру зарна,
кьаз маяк гарунив рагъ къведай патан,
Грей гьикI гурарай фидай чинеба,
пуд тарчинин «Секрет» тек акъвазарна.

Хвена зун азаб квай тIалрикай вуна,
зи Крым, эбеди кьуна гъиликай-
эдеб квачир крар, ялахъвиликай-
парабур абуру дапIарра туна.

Фадлай акъатнава, сагърай лагьана,
зун а дар куьчейрай Зурбагандавай,
амма пIузаррин хер, гару гатанвай,
Крым, вуна кузва, гьуьлуьн кьел хьана.

Перевод на лезгинский Билала Адилова