Мегъуьн тарцин куьлгедик са жегьил таз-
Гьвечlи тар мад экьечlиз тир шумуд йис.
Къуншидаллай чара тарар пехил яз,
"Вичизни жен арха,"-кlанз тир,умуд гъиз.
"Хъсан я ман,катазвач вун харари,
Къайи марфар куткуз туш ви танарик.
Кукlвариз туш ви хилер серт гарари,
Тlал-квал авач,галукьдайни,чанарик.
Нажахди хьиз,и гафари,кlанивай,
Атlузвай ам-тал таниш тир са адаз.
Хъецепатан цlарцlар акваз,къеневай-
Ялавдикай садни тушир хабар кьаз.
Чиз тушир-ам чилел атай къалалай,
Тамарзу тир вили цавар акунихъ.
Ван атанвай-къарих яз,вил галамай,
Цава кузвай са легьзедин рагунихъ.
21.07.17
***
© Copyright: Намик Фарзалиев, 2017
Свидетельство о публикации №117072902772
Свидетельство о публикации №117072902772
Рецензии