***
Жаныбыздан бек сюйген,
Сабыр ата-анала.
Балала ючюн ёлген,
Умутугъуз толсунла.
Сагъыш эте келгенме,
Бир зат тюшгенд эсиме.
Аны ючюн тиземе,
Кёлюмдегин мен сизге.
Заманында беригиз -
Къызыгъызны эрге, сиз,
Жашыгъызгъа алыгъыз
Заманында ариу къыз.
Заман учар эм кетер,
Жангыз къалса сабийинг
Жюрек ачыудан кюер,
Болмай къалса келининг.
Юйдегили болмагъан,
Ол бек уллу гюняхды.
Насып юлюш алмагъан,
Бир бек уллу палахды.
Къарындашла, эгечле,
Юйдегили болугъуз!
Бу дуньягъа келгенле,
Барыгъызда онгугъуз!
Бейтугъанланы Исмаил
Насийхат
© Copyright: Исмаил Бейтуганов, 2017
Свидетельство о публикации №117072710004
Свидетельство о публикации №117072710004
Рецензии