Айвалар

"Со гlалгlа ва"накха тlа бетташ бий
Сонта ваьнна лелар хьо вий?
Шортта,шортта йиц ма ле буржалаш
Корзагlваьле каг ма делахь пlендараш

Хьай безам мел ба хила хьо кура
кхыдола сурт да сона тахан гур
Да вайга кхаьчар велхал хьал
Мел чlоагlа дувцарах тоалургдац вlалла

Хlана латт гора этта,чlорам йоахаш голаш
Хьай мехк когаш хьекха пахашк хинна улаш
Мичай lа езаш лелаяь элтара кий?
Моастагlчо lояьккхай доадеш сий.

Кхыбараш эсалагlа хеташ,ваьлар хье эсал
Хьоца бола безам са,шелагlа ба эссал
Хета мегаргвац,кхычарел лакхагlа
Хьай нах хьона безе а дукхагlа.

Къам дездар,Дала новкъост веттар
Уж хlамаш даьржад вайциг геттар
Даьла эгlазло,вай лелаю харцо бахьан
Тlахийцад кераст жlалеш вайна тахан

Шозза араваьнна моттиг lоврат ма-д
Хьо дезде воалар,алал, фуд?
Хьо кхела Аллахl новкъост эшаш вац
Из къоабал ца дича хьо бусулба вац

Де Цунга дуlа ца оттавеш юкъархо
Воаккхаргволаш воча хlамах юхера хьо
Вай мехка латт боадо дlаяргйолаш
Бусулба дина вай тlадерзаргдолаш

(Тембенаькъан Мусай Мухьаммад 25  кlимарс 2017)