ТАУЛУЛА
Тау эллери кёкге жете,
Жашайдыла таулула.
Намыслары таудан ётген,
Аланладыла ала.
Ала – ташдан суу сыкъгъанла,
Кёп зат билген адамла.
Намыс берген, сый салгъанла
Къартха, жашха да ала.
Ала акъылманладыла,
Иги, аман билгенле,
Адет бла аладыла,
Бери къонакъ келгенде.
Таурух билген, жомакъ тизген,
Иш кёллюле эм таукелле!
Алача тапмазса излеп,
Жигердиле иш этиуде.
Тау эллерин чексиз сюе,
Уллу намыс бередиле.
Адежлиле, адеплиле,
Керти да игиледиле.
Байтугъанланы Исмаил
Таулула
© Copyright: Исмаил Бейтуганов, 2017
Свидетельство о публикации №117072405435
Свидетельство о публикации №117072405435
Рецензии